har kisi dar pe kahan sajda rawa rakhte hain

har kisī dar pe kahāñ sajda ravā rakhte haiñ

ham muvahhid haiñ faqat ek ḳhudā rakhte haiñ

vo kaḌī dhuup meñ rahmat kī ghaTā rakhte haiñ

sar pe maañ baap kī jo log duā rakhte haiñ

daaġh dāman pe nahīñ naqsh-e-vafā rakhte haiñ

ham muhibbān-e-vatan ujlī qabā rakhte haiñ

zaḳhm jo tū ne diyā dil meñ sajā rakhte haiñ

lazzat-e-karb ke nāḳhun se harā rakhte haiñ

tum to phir apne ho apnoñ se adāvat kaisī

ham to dushman pe bhī darvāza khulā rakhte haiñ

jagmagā uThtā hai tārīk muqaddar un kā

ḳhuun apnā jo charāġhoñ meñ bharā rakhte haiñ

har kisi dar pe kahan sajda rawa rakhte hain

hum muwahhid hain faqat ek KHuda rakhte hain

wo kaDi dhup mein rahmat ki ghaTa rakhte hain

sar pe man bap ki jo log dua rakhte hain

dagh daman pe nahin naqsh-e-wafa rakhte hain

hum muhibban-e-watan ujli qaba rakhte hain

zaKHm jo tu ne diya dil mein saja rakhte hain

lazzat-e-karb ke naKHun se hara rakhte hain

tum to phir apne ho apnon se adawat kaisi

hum to dushman pe bhi darwaza khula rakhte hain

jagmaga uThta hai tarik muqaddar un ka

KHun apna jo charaghon mein bhara rakhte hain