har kisi ke hai samajhne ki na samjhane ki baat

har kisī ke hai samajhne kī na samjhāne kī baat

ishq kyā hai jiite jī be-maut mar jaane kī baat

dāstān-e-qais ko samjhe the dīvāne kī baat

ik haqīqat ban ga.ī āḳhir ko afsāne kī baat

ruḳh ne kī zulfoñ kī aur zulfoñ ne kī shāne kī baat

aur ulajhtī hī chalī jaatī hai suljhāne kī baat

ye to hotā hai baḌe hī hausle vāloñ kā kaam

sahl kab hai āñkhoñ hī āñkhoñ meñ pī jaane kī baat

kar liiñ ḳhud lailā-vashoñ ne bastiyāñ apnī tabāh

yuuñ hī kah dī thī kahīñ majnūñ ne vīrāne kī baat

in butoñ ko dekh kar shān-e-ḳhudā yaad aa ga.ī

yuuñ haram tak jā ke pahuñchī hai sanam-ḳhāne kī baat

jaane kyā zālim ne chupke se ishāra kar diyā

raat bhar rotī hai sun kar sham.a parvāne kī baat

koī matlab hī kā fiqra haath aa jaatā tumheñ

aql vaalo ik zarā sun lete dīvāne kī baat

ham to kahte haiñ ki 'muslim' vazn rakhtī hai zarūr

qissa-e-dair-o-haram par ek maiḳhāne kī baat

har kisi ke hai samajhne ki na samjhane ki baat

ishq kya hai jite ji be-maut mar jaane ki baat

dastan-e-qais ko samjhe the diwane ki baat

ek haqiqat ban gai aaKHir ko afsane ki baat

ruKH ne ki zulfon ki aur zulfon ne ki shane ki baat

aur ulajhti hi chali jati hai suljhane ki baat

ye to hota hai baDe hi hausle walon ka kaam

sahl kab hai aankhon hi aankhon mein pi jaane ki baat

kar lin KHud laila-washon ne bastiyan apni tabah

yun hi kah di thi kahin majnun ne virane ki baat

in buton ko dekh kar shan-e-KHuda yaad aa gai

yun haram tak ja ke pahunchi hai sanam-KHane ki baat

jaane kya zalim ne chupke se ishaara kar diya

raat bhar roti hai sun kar shama parwane ki baat

koi matlab hi ka fiqra hath aa jata tumhein

aql walo ek zara sun lete diwane ki baat

hum to kahte hain ki 'muslim' wazn rakhti hai zarur

qissa-e-dair-o-haram par ek maiKHane ki baat