har lamha karb-o-dard-o-gham-o-iztirab mein

har lamha karb-o-dard-o-ġham-o-iztirāb meñ

yā'nī mirī hayāt hai paiham 'azāb meñ

ab dil hamārā ban gayā ḳhushiyoñ kā maqbara

hai dafn har ḳhushī isī ḳhāna-ḳharāb meñ

sadqe hazār jaan se lutf-e-sukūn-o-aish

us lutf par jo pā liyā hai iztirāb meñ

gahrā.ī-e-nazar ho to nazzāra sahl hai

varna har ek chiiz chhupī hai naqāb meñ

is atomī zamāne kī sauġhāt hai yahī

hai ek ik nafas zad-e-qahr-o-itāb meñ

'maqbūl' kyā maqām-e-shahīd-e-vafā hai dekh

āb-e-hayāt pā liyā hai zahr-e-nāb meñ

har lamha karb-o-dard-o-gham-o-iztirab mein

ya'ni meri hayat hai paiham 'azab mein

ab dil hamara ban gaya KHushiyon ka maqbara

hai dafn har KHushi isi KHana-KHarab mein

sadqe hazar jaan se lutf-e-sukun-o-aish

us lutf par jo pa liya hai iztirab mein

gahrai-e-nazar ho to nazzara sahl hai

warna har ek chiz chhupi hai naqab mein

is atomi zamane ki saughat hai yahi

hai ek ek nafas zad-e-qahr-o-itab mein

'maqbul' kya maqam-e-shahid-e-wafa hai dekh

aab-e-hayat pa liya hai zahr-e-nab mein