har moD pe jo bante hain hushiyar bar-bar

har moḌ pe jo bante haiñ hushiyār bār-bār

ho jaate haiñ zarā meñ vo bīmār bār-bār

milte haiñ un ko fikr ke motī yahāñ sadā

aate haiñ merī bazm meñ fankār bār-bār

kal tak jo mujh se baat bhī karte nahīñ the vo

ab karte haiñ vo pyaar kā iz.hār bār-bār

chhoTā samajh ke kaam jo karte nahīñ haiñ ham

hotā hai har ghaḌī vahī dushvār bār-bār

dāman meñ kyā hai aur hai parde meñ kyā chhupā

sab kuchh bayān kartā hai aḳhbār bār-bār

dekhā nahīñ hai us ko zamāne guzar ga.e

ab to karā do yaar kā dīdār bār-bār

ye jānte hue bhī ki nuqsān hogā ḳhuub

piine ko roz jaate haiñ mai-ḳhvār bār-bār

'minhāj' merā 'ishq jo sachchā huā agar

apnī taraf bulā.eñge sarkār bār-bār

har moD pe jo bante hain hushiyar bar-bar

ho jate hain zara mein wo bimar bar-bar

milte hain un ko fikr ke moti yahan sada

aate hain meri bazm mein fankar bar-bar

kal tak jo mujh se baat bhi karte nahin the wo

ab karte hain wo pyar ka izhaar bar-bar

chhoTa samajh ke kaam jo karte nahin hain hum

hota hai har ghaDi wahi dushwar bar-bar

daman mein kya hai aur hai parde mein kya chhupa

sab kuchh bayan karta hai aKHbar bar-bar

dekha nahin hai us ko zamane guzar gae

ab to kara do yar ka didar bar-bar

ye jaante hue bhi ki nuqsan hoga KHub

pine ko roz jate hain mai-KHwar bar-bar

'minhaj' mera 'ishq jo sachcha hua agar

apni taraf bulaenge sarkar bar-bar