har-nafas bar-e-garan jis ke asar se guzre

har-nafas bār-e-garāñ jis ke asar se guzre

ye na ho phir vahī tūfān idhar se guzre

ḳhud-farebī-e-talab kahtī rahī jis ko vatan

ajnabī ham rahe jis rāhguzar se guzre

ḳhair-maqdam ko jahāñ sochā thā duniyā hogī

dekhā tak bhī na kisī ne jab udhar se guzre

jis meñ kuchh bhī nahīñ iz.hār-e-ta.assuf ke sivā

ham ab aise safar-e-azm-e-safar se guzre

jazba-e-dil vo nahīñ jis meñ kashākash hī ho

mauj-e-dil kyā na talātum na bhañvar se guzre

nā-shanās-e-diram-o-narḳh mile log 'zubair'

liye sarmāya mohabbat kā jidhar se guzre

har-nafas bar-e-garan jis ke asar se guzre

ye na ho phir wahi tufan idhar se guzre

KHud-farebi-e-talab kahti rahi jis ko watan

ajnabi hum rahe jis rahguzar se guzre

KHair-maqdam ko jahan socha tha duniya hogi

dekha tak bhi na kisi ne jab udhar se guzre

jis mein kuchh bhi nahin izhaar-e-tassuf ke siwa

hum ab aise safar-e-azm-e-safar se guzre

jazba-e-dil wo nahin jis mein kashakash hi ho

mauj-e-dil kya na talatum na bhanwar se guzre

na-shanas-e-diram-o-narKH mile log 'zubair'

liye sarmaya mohabbat ka jidhar se guzre