har-nafas tazkira-e-zulf-e-dota karte hain

har-nafas tazkira-e-zulf-e-dotā karte haiñ

ghar meñ baiThe hue ham yād-e-ḳhudā karte haiñ

kuchh is andāz se vo mujh se jafā karte haiñ

log duniyā ke samajhte haiñ vafā karte haiñ

dil kī duniyā meñ hamesha jo basā karte haiñ

shaad rakhte haiñ na ābād kiyā karte haiñ

us ke andāz-o-adā saaf kahā karte haiñ

tiir vo haiñ ki jo āñkhoñ se chalā karte haiñ

kabhī ibrat kabhī hasrat kā banā kar ḳhāka

aap miTTī mirī barbād kiyā karte haiñ

zindagī kyā hai mohabbat meñ na ho jo barbād

tujh pe jo marte nahīñ ḳhaak jiyā karte haiñ

dil mirā baaġh hai us gul kī mohabbat meñ 'qadīr'

ab mire siine meñ bhī phuul khilā karte haiñ

har-nafas tazkira-e-zulf-e-dota karte hain

ghar mein baiThe hue hum yaad-e-KHuda karte hain

kuchh is andaz se wo mujh se jafa karte hain

log duniya ke samajhte hain wafa karte hain

dil ki duniya mein hamesha jo basa karte hain

shad rakhte hain na aabaad kiya karte hain

us ke andaz-o-ada saf kaha karte hain

tir wo hain ki jo aankhon se chala karte hain

kabhi ibrat kabhi hasrat ka bana kar KHaka

aap miTTi meri barbaad kiya karte hain

zindagi kya hai mohabbat mein na ho jo barbaad

tujh pe jo marte nahin KHak jiya karte hain

dil mera bagh hai us gul ki mohabbat mein 'qadir'

ab mere sine mein bhi phul khila karte hain