har nai sham ye ehsas hua ho goya
Interesting Fact
Weekly "Ikhbar-e-Jahan" Karachi, 13 Dec 1982
har na.ī shaam ye ehsās huā ho goyā
merā saaya mire paikar se baḌā ho goyā
tere lahje meñ to thī hī tirī talvār kī kaaT
terī yādoñ meñ bhī ab zahr milā ho goyā
pichhle mausam meñ sabhī girya-kunāñ the magar ab
chashm-e-ḳhūñ-rañg meñ sailāb rukā ho goyā
chāñd niklā to mirī zaat ko andāza huā
us ne chupke se mirā naam liyā ho goyā
chun liyā maiñ ne to phir apnī mohabbat kā ḳhudā
us ko ab bhī hai gumāñ merā ḳhudā ho goyā
ek muddat se ḳhalāoñ meñ thiiñ āñkheñ raushan
ab ye 'ālam hai ki āñkhoñ meñ ḳhalā ho goyā
phuul khilne ko to naqqāsh khile ḳhvāb magar
mere zaḳhmoñ ke chaTaḳhne kī sadā ho goyā
har nai sham ye ehsas hua ho goya
mera saya mere paikar se baDa ho goya
tere lahje mein to thi hi teri talwar ki kaT
teri yaadon mein bhi ab zahr mila ho goya
pichhle mausam mein sabhi girya-kunan the magar ab
chashm-e-KHun-rang mein sailab ruka ho goya
chand nikla to meri zat ko andaza hua
us ne chupke se mera nam liya ho goya
chun liya main ne to phir apni mohabbat ka KHuda
us ko ab bhi hai guman mera KHuda ho goya
ek muddat se KHalaon mein thin aankhen raushan
ab ye 'alam hai ki aankhon mein KHala ho goya
phul khilne ko to naqqash khile KHwab magar
mere zaKHmon ke chaTaKHne ki sada ho goya
- Book : Muntakhab Gazle.n (Pg. 169)
- Author : Nasir Zaidi
- Publication : Zahid Malik (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
