har rah apni rahguzar hai musafiro
har raah apnī rāhguzar hai musāfiro
mauhūm phir bhī apnā safar hai musāfiro
mujh se hī miltā-jultā koī shaḳhs thā yahāñ
mujh ko batāo ab vo kidhar hai musāfiro
jaltī huī havāoñ se har shai jalī magar
shādāb mere ġham kā shajar hai musāfiro
miltā bahut hai dil se chalo dam leñ ab vahīñ
aage jo ek ujḌā nagar hai musāfiro
bastī udaas rāste chup shahr meñ sukūt
ye kis ke qāfile kā asar hai musāfiro
pur-nūr ek chehra hai pūchho to us se kyoñ
dil be-niyāz-e-nūr-e-sahar hai musāfiro
apne safar kā qissa sunātā 'sho.aib' bhī
kis ko magar kisī kī ḳhabar hai musāfiro
har rah apni rahguzar hai musafiro
mauhum phir bhi apna safar hai musafiro
mujh se hi milta-julta koi shaKHs tha yahan
mujh ko batao ab wo kidhar hai musafiro
jalti hui hawaon se har shai jali magar
shadab mere gham ka shajar hai musafiro
milta bahut hai dil se chalo dam len ab wahin
aage jo ek ujDa nagar hai musafiro
basti udas raste chup shahr mein sukut
ye kis ke qafile ka asar hai musafiro
pur-nur ek chehra hai puchho to us se kyon
dil be-niyaz-e-nur-e-sahar hai musafiro
apne safar ka qissa sunata 'shoaib' bhi
kis ko magar kisi ki KHabar hai musafiro
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.