har raaz-e-nihan aaj nikal aaya zaban se

har rāz-e-nihāñ aaj nikal aaya zabāñ se

kyoñ chhuptā nahīñ kuchh bhī is andāz-e-bayāñ se

ik maiñ huuñ jise koī tavaqqo hai na ummīd

ik tum ho lagā.e hue dil saare jahāñ se

itnoñ ne pukārā ki gayā ham se bichhaḌ kar

dil DhūñDh ke laa.eñ bhī to ab laa.eñ kahāñ se

us ko bhī bulātā hai yahāñ koī taḌap kar

mujh ko bhī koī khīñchne lagtā hai vahāñ se

ik tum hī nahīñ hāl-e-dilāñ jānñe vaale

hotī hai zamāne ko ḳhabar āh-o-fuġhāñ se

pahle to junūñ ne mire tayyār kiyā but

ab phoḌtā rahtā huuñ maiñ sar sang-e-girāñ se

jiine ki alāmat ho na 'amrit' to bhalā phir

bekār sī ik baat pe kyoñ jaate ho jaañ se

har raaz-e-nihan aaj nikal aaya zaban se

kyon chhupta nahin kuchh bhi is andaz-e-bayan se

ek main hun jise koi tawaqqo hai na ummid

ek tum ho lagae hue dil sare jahan se

itnon ne pukara ki gaya hum se bichhaD kar

dil DhunDh ke laen bhi to ab laen kahan se

us ko bhi bulata hai yahan koi taDap kar

mujh ko bhi koi khinchne lagta hai wahan se

ek tum hi nahin haal-e-dilan jaanne wale

hoti hai zamane ko KHabar aah-o-fughan se

pahle to junun ne mere tayyar kiya but

ab phoDta rahta hun main sar sang-e-giran se

jine ki alamat ho na 'amrit' to bhala phir

bekar si ek baat pe kyon jate ho jaan se