har ranj qubul kar raha hun

har ranj qubūl kar rahā huuñ

zaḳhmoñ ko maiñ phuul kar rahā huuñ

ik pal kī ye zindagī hai merī

lekin ise tuul kar rahā huuñ

jis jis ko atā kiyā ḳhudā ne

vo dard vasūl kar rahā huuñ

jo harf fe.al se ruuTh jaa.e

us ko maiñ fa.uul kar rahā huuñ

lohe kī khaḌī huī hai dīvār

aur maiñ use dhuul kar rahā huuñ

pahchān ke apne aap ko bhī

phir bhī kahīñ bhuul kar rahā huuñ

apnoñ ke ta'alluqāt saare

ġhairoñ se vasūl kar rahā huuñ

har samt havā chalī kuchh aisī

shīsham ko babūl kar rahā huuñ

har gaam pe zulmatoñ meñ rakh de

us ko bhī rasūl kar rahā huuñ

maiñ bād-e-sabā pe rakh ke pahre

kaliyoñ ko malūl kar rahā huuñ

jis se hai sab intishār barpā

us ko hī usuul kar rahā huuñ

hāsil na ho kuchh 'zafar' mujhe to

sab kaam fuzūl kar rahā huuñ

har ranj qubul kar raha hun

zaKHmon ko main phul kar raha hun

ek pal ki ye zindagi hai meri

lekin ise tul kar raha hun

jis jis ko ata kiya KHuda ne

wo dard wasul kar raha hun

jo harf feal se ruTh jae

us ko main faul kar raha hun

lohe ki khaDi hui hai diwar

aur main use dhul kar raha hun

pahchan ke apne aap ko bhi

phir bhi kahin bhul kar raha hun

apnon ke ta'alluqat sare

ghairon se wasul kar raha hun

har samt hawa chali kuchh aisi

shisham ko babul kar raha hun

har gam pe zulmaton mein rakh de

us ko bhi rasul kar raha hun

main baad-e-saba pe rakh ke pahre

kaliyon ko malul kar raha hun

jis se hai sab intishaar barpa

us ko hi usul kar raha hun

hasil na ho kuchh 'zafar' mujhe to

sab kaam fuzul kar raha hun