har rasm par nazar ko jhukate hue chale
har rasm par nazar ko jhukāte hue chale
har iḳhtiyār apnā miTāte hue chale
kuchh un pe e'timād hai kuchh apnī zaat par
zo.am-e-fareb yūñhī nibhāte hue chale
kitnī hikāyateñ ki zabāñ tak na aa sakīñ
zanjīr-e-harf un pe sajāte hue chale
un ke mazāq-e-dīd se paa.ī na paa.ī daad
phir bhī harīm-e-shauq basāte hue chale
jo raah jal ga.ī thī haqīqat kī aañch se
ḳhvāboñ ke phuul us pe bichhāte hue chale
har rasm par nazar ko jhukate hue chale
har iKHtiyar apna miTate hue chale
kuchh un pe e'timad hai kuchh apni zat par
zoam-e-fareb yunhi nibhate hue chale
kitni hikayaten ki zaban tak na aa sakin
zanjir-e-harf un pe sajate hue chale
un ke mazaq-e-did se pai na pai dad
phir bhi harim-e-shauq basate hue chale
jo rah jal gai thi haqiqat ki aanch se
KHwabon ke phul us pe bichhate hue chale
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
