har sans mein hai sarir-e-KHama
har saañs meñ hai sarīr-e-ḳhāma
maiñ ḳhud ko har aan likh rahā huuñ
kam-zā.iqa āshnā haiñ jis ke
ek aisī zabān likh rahā huuñ
patthar haiñ tamām lafz lekin
maiñ phuul samān likh rahā huuñ
raushan hai yaqīñ kī raushnā.ī
yā apne gumān likh rahā huuñ
in dast-burīda mausamoñ meñ
allāh kī shaan likh rahā huuñ
dīvār chaTaḳh rahī hai mujh meñ
sahrā ko makān likh rahā huuñ
ye ma.arifat-e-ġhazal to dekho
anjān ko jaan likh rahā huuñ
har sans mein hai sarir-e-KHama
main KHud ko har aan likh raha hun
kam-zaiqa aashna hain jis ke
ek aisi zaban likh raha hun
patthar hain tamam lafz lekin
main phul saman likh raha hun
raushan hai yaqin ki raushnai
ya apne guman likh raha hun
in dast-burida mausamon mein
allah ki shan likh raha hun
diwar chaTaKH rahi hai mujh mein
sahra ko makan likh raha hun
ye marifat-e-ghazal to dekho
anjaan ko jaan likh raha hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
