har shaKHs apne aap mein sahma hua sa hai

har shaḳhs apne aap meñ sahmā huā sā hai

dekho to shahr socho to vīrāniyāñ bahut

leTā huā pañgoḌe meñ taktā hai āsmāñ

likkhī huī haiñ āñkhoñ meñ hairāniyāñ bahut

zā.īd-gān-e-shab ko gavārā nahīñ sahar

Dastī haiñ un ko sub.h kī tābāniyāñ bahut

deñ kaise us kā haath zamāne ke haath meñ

ab tak to kī haiñ us kī nigahbāniyāñ bahut

pal-bhar ḳhushī bhī ham ne ġhanīmat shumār kī

rahtī haiñ yuuñ bhī dil ko pareshāniyāñ bahut

kin pattharoñ se ham ne tarāshe haiñ roz-o-shab

kaam aa ga.iiñ hamārī garāñ-jāniyāñ bahut

har shaKHs apne aap mein sahma hua sa hai

dekho to shahr socho to viraniyan bahut

leTa hua pangoDe mein takta hai aasman

likkhi hui hain aankhon mein hairaniyan bahut

zaid-gan-e-shab ko gawara nahin sahar

Dasti hain un ko subh ki tabaniyan bahut

den kaise us ka hath zamane ke hath mein

ab tak to ki hain us ki nigahbaniyan bahut

pal-bhar KHushi bhi hum ne ghanimat shumar ki

rahti hain yun bhi dil ko pareshaniyan bahut

kin pattharon se hum ne tarashe hain roz-o-shab

kaam aa gain hamari garan-jaaniyan bahut