har shaKHs yun to bazm mein izzat-maab tha

har shaḳhs yuuñ to bazm meñ 'izzat-ma.āb thā

lekin har ek chehre pe ik iztirāb thā

ye thā savāl kaun nibhā.egā 'umr bhar

vo thā ḳhamosh aur maiñ bhī lā-javāb thā

nā-kāmyāb the so rahe duur tujh se ham

jo bhī tire qarīb thā vo kāmyāb thā

āḳhir ye raaz khul gayā sach kyā hai jhuuT kyā

sachchā.ī us ke chehre pe bas ik naqāb thā

haañ mujh ko us se pyaar hai aur be-hisāb hai

haañ us ko mujh se pyaar thā aur be-hisāb thā

uktā ga.e ho duniyā se tum chand roz meñ

'nīraj' tumhārā duniyā badalne kā ḳhvāb thā

har shaKHs yun to bazm mein 'izzat-maab tha

lekin har ek chehre pe ek iztirab tha

ye tha sawal kaun nibhaega 'umr bhar

wo tha KHamosh aur main bhi la-jawab tha

na-kaamyab the so rahe dur tujh se hum

jo bhi tere qarib tha wo kaamyab tha

aaKHir ye raaz khul gaya sach kya hai jhuT kya

sachchai us ke chehre pe bas ek naqab tha

han mujh ko us se pyar hai aur be-hisab hai

han us ko mujh se pyar tha aur be-hisab tha

ukta gae ho duniya se tum chand roz mein

'niraj' tumhaara duniya badalne ka KHwab tha