har subh apne ghar mein har raat apne ghar mein

har sub.h apne ghar meñ har raat apne ghar meñ

honā thī kyā huī hai kyā baat apne ghar meñ

auhām apne ghar meñ āfāt apne ghar meñ

ho kyoñ na āñsuoñ kī barsāt apne ghar meñ

ham jānte haiñ apnī auqāt apne ghar meñ

laate nahīñ haiñ koī sauġhāt apne ghar meñ

duniyā meñ kitne raste aur kitnī manzileñ haiñ

hai kyā sabab jo aa.e har raat apne ghar meñ

sar kis jagah jhukā hai dil kis jagah dukhā hai

sab kuchh kaheñge tujh se ai raat apne ghar meñ

bāġhoñ meñ aur kuchh the rastoñ meñ aur kuchh the

kuchh aur ho ga.e haiñ jazbāt apne ghar meñ

nairangi-e-jahāñ ko ham ḳhuub jānte haiñ

ik zaat ghar se bāhar ik zaat apne ghar meñ

kuchh khel aise khele 'iqbāl' zindagī ne

sadiyoñ kī tarh guzre lamhāt apne ghar meñ

har subh apne ghar mein har raat apne ghar mein

hona thi kya hui hai kya baat apne ghar mein

auham apne ghar mein aafat apne ghar mein

ho kyon na aansuon ki barsat apne ghar mein

hum jaante hain apni auqat apne ghar mein

late nahin hain koi saughat apne ghar mein

duniya mein kitne raste aur kitni manzilen hain

hai kya sabab jo aae har raat apne ghar mein

sar kis jagah jhuka hai dil kis jagah dukha hai

sab kuchh kahenge tujh se ai raat apne ghar mein

baghon mein aur kuchh the raston mein aur kuchh the

kuchh aur ho gae hain jazbaat apne ghar mein

nairangi-e-jahan ko hum KHub jaante hain

ek zat ghar se bahar ek zat apne ghar mein

kuchh khel aise khele 'iqbaal' zindagi ne

sadiyon ki tarh guzre lamhat apne ghar mein