har taghayyur ko ek paDaw samajh

har taġhayyur ko ik paḌāv samajh

āḳhirī mat use alaav samajh

qadr-o-qīmat jinheñ samajhtā hai

apnī fitrat ke kuchh jhukāo samajh

har ta.assub ko jo hai dil meñ chhupā

tū taraqqī meñ ik rukāo samajh

kuchh tamannā.eñ haiñ ḳhudā kī den

tū ḳhudā-dād inheñ bahāo samajh

zāviyoñ ko muḳhālifīn ke to

na.e pahlū na.e sujhāo samajh

jise kahte haiñ log husn-o-shabāb

gardish-e-ḳhūñ lahū kā taao samajh

jab tak armān haiñ javānī hai

piirī armānoñ kā sikhāo samajh

maiñ huuñ dīvāna fart-e-dānish se

kam samajhne meñ tū bachāo samajh

har taghayyur ko ek paDaw samajh

aaKHiri mat use alaw samajh

qadr-o-qimat jinhen samajhta hai

apni fitrat ke kuchh jhukao samajh

har tassub ko jo hai dil mein chhupa

tu taraqqi mein ek rukao samajh

kuchh tamannaen hain KHuda ki den

tu KHuda-dad inhen bahao samajh

zawiyon ko muKHalifin ke to

nae pahlu nae sujhao samajh

jise kahte hain log husn-o-shabab

gardish-e-KHun lahu ka tao samajh

jab tak arman hain jawani hai

piri armanon ka sikhao samajh

main hun diwana fart-e-danish se

kam samajhne mein tu bachao samajh