har taraf ek bebasi si in dinon manzar mein hai

har taraf ik bebasī sī in dinoñ manzar meñ hai

gardish-e-daurāñ thamī hai aur insāñ ghar meñ hai

dekhnā us kā shifā hai us kā chhūnā zindagī

baat ye kaisī anokhī mere chārāgar meñ hai

mausamoñ kī rut na.ī hai tum jo Thahre ho yahāñ

ya.anī dhaḌkan sī har ik kankar meñ aur patthar meñ hai

nāma-e-a.amāl meñ guftār se baḌh kar bhī kuchh

pesh kar ġhāfil amal koī agar daftar meñ hai

jis ko pī kar phir kisī bhī jaam kī ḳhvāhish na ho

bandagī kā vo nasha iqbāl ke sāġhar meñ hai

'sāhil'-e-dariyā pe chhalkā thā jo terī yaad meñ

mere is aañsū kī tābānī har ik gauhar meñ hai

har taraf ek bebasi si in dinon manzar mein hai

gardish-e-dauran thami hai aur insan ghar mein hai

dekhna us ka shifa hai us ka chhuna zindagi

baat ye kaisi anokhi mere chaaragar mein hai

mausamon ki rut nai hai tum jo Thahre ho yahan

yani dhaDkan si har ek kankar mein aur patthar mein hai

nama-e-amal mein guftar se baDh kar bhi kuchh

pesh kar ghafil amal koi agar daftar mein hai

jis ko pi kar phir kisi bhi jam ki KHwahish na ho

bandagi ka wo nasha iqbaal ke saghar mein hai

'sahil'-e-dariya pe chhalka tha jo teri yaad mein

mere is aansu ki tabani har ek gauhar mein hai