har taraf KHushiyan hi KHushiyan thin nagar raushan tha

har taraf ḳhushiyāñ hī ḳhushiyāñ thiiñ nagar raushan thā

ham jise chhoḌ ke aa.e the vo ghar raushan thā

raushnī meñ bhī añdheroñ kā gumāñ hotā hai

tum mire saath the jab tak to safar raushan thā

vo mujhe chhoḌ gayā par use mālūm na thā

duur tak azm-e-safar saath thā dar raushan thā

log shāyad use āsār-e-qadīma samjheñ

is udāsī pe na jā ye bhī khañDar raushan thā

ḳhud-numā.ī kā use aane lagā kaisā nasha

jis taraf us kī nigāheñ thiiñ hunar raushan thā

bādshāhat mire hisse meñ kabhī thī hī nahīñ

phir bhī peshānī pe vo shams-o-qamar raushan thā

us kī qismat meñ bhī thoḌā sā ujālā thā 'surūr'

jo diyā bujhtā huā vaqt-e-sahar raushan thā

har taraf KHushiyan hi KHushiyan thin nagar raushan tha

hum jise chhoD ke aae the wo ghar raushan tha

raushni mein bhi andheron ka guman hota hai

tum mere sath the jab tak to safar raushan tha

wo mujhe chhoD gaya par use malum na tha

dur tak azm-e-safar sath tha dar raushan tha

log shayad use aasar-e-qadima samjhen

is udasi pe na ja ye bhi khanDar raushan tha

KHud-numai ka use aane laga kaisa nasha

jis taraf us ki nigahen thin hunar raushan tha

baadshahat mere hisse mein kabhi thi hi nahin

phir bhi peshani pe wo shams-o-qamar raushan tha

us ki qismat mein bhi thoDa sa ujala tha 'surur'

jo diya bujhta hua waqt-e-sahar raushan tha