haram-o-dair-o-kalisa se nikal aaya hun

haram-o-dair-o-kalīsā se nikal aaya huuñ

tab kahīñ jā ke maiñ insān se mil paayā huuñ

kaale patthar pe bhaTakte hue qadmoñ ke nishāñ

mujh se miliye maiñ na.ī nasl kā sarmāya huuñ

maiñ bhī ehsās kī bhaTTī meñ paḌā huuñ ye batā

kaise añgāre tirī palkoñ pe dekh aaya huuñ

fāsla kitnā bhī ho is ghanī ābādī meñ

ye haqīqat hai ki maiñ aap kā ham-sāya huuñ

mujh ko zaa.e.a na karo āñkhoñ meñ rahne do mujhe

huuñ to qatra hī magar aap garāñ-māya huuñ

aur kuchh der isī shāḳh pe rahne diije

abhī ehsās hai zinda abhī murjhāyā huuñ

mujh ko alfāz kā jaadū nahīñ aatā 'naqvī'

baat jo dil meñ rahī hai vo na kah paayā huuñ

haram-o-dair-o-kalisa se nikal aaya hun

tab kahin ja ke main insan se mil paya hun

kale patthar pe bhaTakte hue qadmon ke nishan

mujh se miliye main nai nasl ka sarmaya hun

main bhi ehsas ki bhaTTi mein paDa hun ye bata

kaise angare teri palkon pe dekh aaya hun

fasla kitna bhi ho is ghani aabaadi mein

ye haqiqat hai ki main aap ka ham-saya hun

mujh ko zaea na karo aankhon mein rahne do mujhe

hun to qatra hi magar aap garan-maya hun

aur kuchh der isi shaKH pe rahne dije

abhi ehsas hai zinda abhi murjhaya hun

mujh ko alfaz ka jadu nahin aata 'naqwi'

baat jo dil mein rahi hai wo na kah paya hun