hargiz Thahar na daera-e-iKHtiyar tak

hargiz Thahar na dā.era-e-iḳhtiyār tak

qismat ko rāhbar na banā kū-e-yār tak

vo dam meñ ā.eñge na dam-e-e'tibār tak

tū raah ek baar nahīñ laakh baar tak

pohñchā na aaj tak dar-e-parvardigār tak

har mudda'ī-e-shān dil-e-hoshiyār tak

mahrūmī-e-nasīb na thiiñ dil-farebiyāñ

Takrā ke aañkh rah ga.ī naqsh-o-nigār tak

us be-ḳhudī kī shaan ke qurbān jā.iye

jis kā tire karam se na ho kam ḳhumār tak

sajda-garī kī jaan hai har ārzū-e-dīd

lekin nazar pe dil ko nahīñ e'tibār tak

ab ḳhvāb meñ bhī jalva dikhāne se hai gurez

lo chhin gayā nazar kā mirī iḳhtiyār tak

dast-e-junūñ ne jism ko āzād kar diyā

rakkhā na pairahan se lagā ek taar tak

mīnā-e-bāryāb hai sāġhar kī bandagī

aayā kabhī na shīsha-e-dil meñ ġhubār tak

mā’rūza-e-vafā ko suneñ aap ek din

bandoñ kī Ter suntā hai parvardigār tak

afsurdagī kā raaz nazar kī ḳhizāñ meñ hai

varna hai har nigāh pe qurbāñ bahār tak

ġhunche mizāj-e-'ishq pe kaste haiñ phabtiyāñ

gul hī gavāh hoñge shahādat hazār tak

majnūñ ko rāh-e-'ishq meñ dīvāna dekh kar

paañv ko chūmne lage sahrā meñ ḳhaar tak

vo 'shād' kis tarah ho kisī ke huzūr meñ

jo dil uThā sake na mohabbat kā baar tak

hargiz Thahar na daera-e-iKHtiyar tak

qismat ko rahbar na bana ku-e-yar tak

wo dam mein aaenge na dam-e-e'tibar tak

tu rah ek bar nahin lakh bar tak

pohncha na aaj tak dar-e-parwardigar tak

har mudda'i-e-shan dil-e-hoshiyar tak

mahrumi-e-nasib na thin dil-farebiyan

Takra ke aankh rah gai naqsh-o-nigar tak

us be-KHudi ki shan ke qurban jaiye

jis ka tere karam se na ho kam KHumar tak

sajda-gari ki jaan hai har aarzu-e-did

lekin nazar pe dil ko nahin e'tibar tak

ab KHwab mein bhi jalwa dikhane se hai gurez

lo chhin gaya nazar ka meri iKHtiyar tak

dast-e-junun ne jism ko aazad kar diya

rakkha na pairahan se laga ek tar tak

mina-e-baryab hai saghar ki bandagi

aaya kabhi na shisha-e-dil mein ghubar tak

ma’ruza-e-wafa ko sunen aap ek din

bandon ki Ter sunta hai parwardigar tak

afsurdagi ka raaz nazar ki KHizan mein hai

warna hai har nigah pe qurban bahaar tak

ghunche mizaj-e-'ishq pe kaste hain phabtiyan

gul hi gawah honge shahadat hazar tak

majnun ko rah-e-'ishq mein diwana dekh kar

panw ko chumne lage sahra mein KHar tak

wo 'shad' kis tarah ho kisi ke huzur mein

jo dil uTha sake na mohabbat ka bar tak