harim-e-dil mein agar teri justuju karte

harīm-e-dil meñ agar terī justujū karte

na but-kade kī na kā'be kī aarzū karte

ḳhudā ke vāste de ab to jaam ai saaqī

zabān suukh ga.ī hai subū subū karte

kisī ke 'ishq meñ jal jal ke ḳhaak ho jaate

basān-e-sham’ na ham sharh-e-ārzū karte

tumhārā jalva to dekhā tumheñ nahīñ dekhā

tamām sarf huī 'umr justujū karte

zabāñ ko roknā thā iḳhtiyār meñ un ke

na ban paḌī thī jo muusā se guftugū karte

kabhī to hairat-e-dil ham se pūchh letā tū

tujhī se ham tire milne kī aarzū karte

ye sach hai vo hameñ 'rāfat' zarūr mil jaate

agar talāsh qarīb-e-rag-e-gulū karte

harim-e-dil mein agar teri justuju karte

na but-kade ki na ka'be ki aarzu karte

KHuda ke waste de ab to jam ai saqi

zaban sukh gai hai subu subu karte

kisi ke 'ishq mein jal jal ke KHak ho jate

basan-e-sham’ na hum sharh-e-arzu karte

tumhaara jalwa to dekha tumhein nahin dekha

tamam sarf hui 'umr justuju karte

zaban ko rokna tha iKHtiyar mein un ke

na ban paDi thi jo musa se guftugu karte

kabhi to hairat-e-dil hum se puchh leta tu

tujhi se hum tere milne ki aarzu karte

ye sach hai wo hamein 'rafat' zarur mil jate

agar talash qarib-e-rag-e-gulu karte