hasin honge bahut aap sa kidhar koi hai

hasīn hoñge bahut aap sā kidhar koī hai

hameñ dikhā.ī to de shahr meñ agar koī hai

tumhāre jaisī to sūrat nahīñ banā.ī ga.ī

hamāre jaisī bhī kah do agar nazar koī hai

ab aisā vaqt hai jis meñ koī kisī kā nahīñ

hamāre vāste lahore meñ magar koī hai

kisī kā DhūñDhnā tanhā.ī itne logoñ meñ

kisī kā chīḳh ke kahnā vo apne ghar koī hai

kuchh aisā qaht paḌā hai jahāñ meñ phūloñ kā

kisī bayāz meñ ruḳh par na shāḳh par koī hai

gharoñ meñ aur makānoñ meñ farq hotā hai

ise makān hī kahiye miyāñ ye ghar koī hai

na jaane aise ta'alluq kā kyā banegā dost

use hai ḳhauf kisī kā na mujh ko Dar koī hai

'ajīb sūrat-e-ahvāl hai ki ab 'anjum'

tamām din koī na.iiñ aur raat bhar koī hai

hasin honge bahut aap sa kidhar koi hai

hamein dikhai to de shahr mein agar koi hai

tumhaare jaisi to surat nahin banai gai

hamare jaisi bhi kah do agar nazar koi hai

ab aisa waqt hai jis mein koi kisi ka nahin

hamare waste lahore mein magar koi hai

kisi ka DhunDhna tanhai itne logon mein

kisi ka chiKH ke kahna wo apne ghar koi hai

kuchh aisa qaht paDa hai jahan mein phulon ka

kisi bayaz mein ruKH par na shaKH par koi hai

gharon mein aur makanon mein farq hota hai

ise makan hi kahiye miyan ye ghar koi hai

na jaane aise ta'alluq ka kya banega dost

use hai KHauf kisi ka na mujh ko Dar koi hai

'ajib surat-e-ahwal hai ki ab 'anjum'

tamam din koi nain aur raat bhar koi hai