hasin KHayal jo paiham unhen satane lage

hasīñ ḳhayāl jo paiham unheñ satāne lage

vo be-ḳhudī se mirī shā.irī sunāne lage

baḌe ġhurūr se kahte the yaad aatī nahīñ

ga.e jo hijr kī vaadī to giḌgiḌāne lage

diyā payām bhī qāsid ko be-qarārī meñ

liyā thā naam ki do hoñT kapkapāne lage

hamārā zikr gavārā na thā kabhī jin ko

hamārī baat pe haule se muskurāne lage

mujhe suḳhan bhī lagā ain apnā ilhāmī

mirī ġhazal jo vo mahfil meñ gungunāne lage

hasin KHayal jo paiham unhen satane lage

wo be-KHudi se meri shairi sunane lage

baDe ghurur se kahte the yaad aati nahin

gae jo hijr ki wadi to giDgiDane lage

diya payam bhi qasid ko be-qarari mein

liya tha nam ki do honT kapkapane lage

hamara zikr gawara na tha kabhi jin ko

hamari baat pe haule se muskurane lage

mujhe suKHan bhi laga ain apna ilhami

meri ghazal jo wo mahfil mein gungunane lage