hasrat-e-saya mein jangal ko take jata hun

hasrat-e-sāya meñ jangal ko take jaatā huuñ

dhuup hai aur maiñ āñchal ko take jaatā huuñ

aisī shikneñ mere īqān meñ kab ā.eñgī

terī peshānī ke gunjal ko take jaatā huuñ

duur jaatī huī gaaḌī kā dhuāñ hai aur maiñ

surḳh hote hue signal ko take jaatā huuñ

apne pahlū meñ chubhī jaatī haiñ patthar kī sileñ

aur tire pahlū ke maḳhmal ko take jaatā huuñ

jab kisī ret kī sūrat hai mirī muTThī meñ

kyoñ guzarte hue har pal ko take jaatā huuñ

ye zamāna bhī yūñhī dekhtā hogā mujh ko

jis tarah maiñ kisī pāgal ko take jaatā huuñ

raunaq-e-shahr kā ik maiñ hī tamāshā.ī huuñ

apne atrāf ke daldal ko take jaatā huuñ

bharī barsāt kī bochhāḌ hai aur maiñ pyāsā

is chhalaktī huī chhāgal ko take jaatā huuñ

hasrat-e-saya mein jangal ko take jata hun

dhup hai aur main aanchal ko take jata hun

aisi shiknen mere iqan mein kab aaengi

teri peshani ke gunjal ko take jata hun

dur jati hui gaDi ka dhuan hai aur main

surKH hote hue signal ko take jata hun

apne pahlu mein chubhi jati hain patthar ki silen

aur tere pahlu ke maKHmal ko take jata hun

jab kisi ret ki surat hai meri muTThi mein

kyon guzarte hue har pal ko take jata hun

ye zamana bhi yunhi dekhta hoga mujh ko

jis tarah main kisi pagal ko take jata hun

raunaq-e-shahr ka ek main hi tamashai hun

apne atraf ke daldal ko take jata hun

bhari barsat ki bochhaD hai aur main pyasa

is chhalakti hui chhagal ko take jata hun