hasrat na koi dil mein tamanna na yas hai

hasrat na koī dil meñ tamanna na yaas hai

be-bāt kyoñ na jaane tabī.at udaas hai

har shaḳhs māñgtā hai ḳhirāj-e-ta.alluqāt

jab se hamāre jism pe umda libās hai

kaise kahūñ ki tujh se ta.alluq nahīñ koī

tū hī nahīñ hai paas tirā ġham to paas hai

pahuñchī zarā sī Thes ki TuuTā bikhar gayā

dil kyā hai ek kāñch kā nāzuk gilās hai

ojhal huā nazar se to yādoñ meñ aa basā

vo duur kab huā hai mire dil ke paas hai

shāyad huā hai phir kahīñ shab-ḳhūñ kā tazkira

'zāhid' phir aaj chāñd kā chehrā udaas hai

hasrat na koi dil mein tamanna na yas hai

be-baat kyon na jaane tabiat udas hai

har shaKHs mangta hai KHiraj-e-talluqat

jab se hamare jism pe umda libas hai

kaise kahun ki tujh se talluq nahin koi

tu hi nahin hai pas tera gham to pas hai

pahunchi zara si Thes ki TuTa bikhar gaya

dil kya hai ek kanch ka nazuk gilas hai

ojhal hua nazar se to yaadon mein aa basa

wo dur kab hua hai mere dil ke pas hai

shayad hua hai phir kahin shab-KHun ka tazkira

'zahid' phir aaj chand ka chehra udas hai