hasti ke shajar mein jo ye chaho ki chamak jao

hastī ke shajar meñ jo ye chāho ki chamak jaao

kachche na raho balki kisī rang meñ pak jaao

maiñ ne kahā qaa.il maiñ tasavvuf kā nahīñ huuñ

kahne lage is bazm meñ aao to thirak jaao

maiñ ne kahā kuchh ḳhauf collector kā nahīñ hai

kahne lage aa jaa.eñ abhī vo to dubak jaao

maiñ ne kahā varzish kī koī had bhī hai āḳhir

kahne lage bas is kī yahī had hai ki thak jaao

maiñ ne kahā afkār se pīchhā nahīñ chhuTtā

kahne lage tum jānib-e-mai-ḳhāna lapak jaao

maiñ ne kahā 'akbar' meñ koī rang nahīñ hai

kahne lage she'r us ke jo sun lo to phaḌak jaao

hasti ke shajar mein jo ye chaho ki chamak jao

kachche na raho balki kisi rang mein pak jao

main ne kaha qail main tasawwuf ka nahin hun

kahne lage is bazm mein aao to thirak jao

main ne kaha kuchh KHauf collector ka nahin hai

kahne lage aa jaen abhi wo to dubak jao

main ne kaha warzish ki koi had bhi hai aaKHir

kahne lage bas is ki yahi had hai ki thak jao

main ne kaha afkar se pichha nahin chhuTta

kahne lage tum jaanib-e-mai-KHana lapak jao

main ne kaha 'akbar' mein koi rang nahin hai

kahne lage she'r us ke jo sun lo to phaDak jao