hasti mein us ka jalwa ayan pa raha hun aaj

hastī meñ us kā jalva ayaañ pā rahā huuñ aaj

dil ko tasavvurāt se bahlā rahā huuñ aaj

mil jaa.e koī baab ḳhushī kā maiñ is liye

phir se kitāb-e-zīst ko dohrā rahā huuñ aaj

ab apnā zarf-e-mai-kashī dikhlāne ke liye

saaqī ke hāthoñ ḳhuub piye jā rahā huuñ aaj

mahfil meñ ḳhaas un kī aqīdat ke vāste

hāthoñ pe apne dil ko liye jā rahā huuñ aaj

manzil pe maiñ huuñ yā ki fareb-e-nazar hai ye

har samt maiñ hī ḳhud ko nazar aa rahā huuñ aaj

un ke marīz-e-hijr ne ye kah ke jaan dī

kal ā.eñge vo dekhne maiñ jā rahā huuñ aaj

'ahmad' zamāna diid kā hai jis kī muntazir

har-sū maiñ us kā jalva ayaañ pā rahā huuñ aaj

hasti mein us ka jalwa ayan pa raha hun aaj

dil ko tasawwuraat se bahla raha hun aaj

mil jae koi bab KHushi ka main is liye

phir se kitab-e-zist ko dohra raha hun aaj

ab apna zarf-e-mai-kashi dikhlane ke liye

saqi ke hathon KHub piye ja raha hun aaj

mahfil mein KHas un ki aqidat ke waste

hathon pe apne dil ko liye ja raha hun aaj

manzil pe main hun ya ki fareb-e-nazar hai ye

har samt main hi KHud ko nazar aa raha hun aaj

un ke mariz-e-hijr ne ye kah ke jaan di

kal aaenge wo dekhne main ja raha hun aaj

'ahmad' zamana did ka hai jis ki muntazir

har-su main us ka jalwa ayan pa raha hun aaj