haT KHamushi se bhi to koi arz-e-haal kar

haT ḳhāmushī se bhī to koī arz-e-hāl kar

kar ke salām un se zarā bol-chāl kar

sunte the nekī kī ho to dariyā meñ Dāliye

par log ḳhush haiñ bojh gunāhoñ kā Daal kar

dil meñ hai sub.h-o-shām bhale tū hī to mire

par baat hogī jo kabhī tū bhī ḳhayāl kar

kyā jāntā thā bujh nahīñ pā.egī ye kabhī

ḳhush thā jo pyaas apnī samundar meñ Daal kar

nikle haiñ yaad karne meñ bas jis ko rāt-din

jā.egā kaise phāñs vo dil kī nikāl kar

jo chup rahā to goyā na ho mauqa' dūsrā

vo sāmne hai bol koī to savāl kar

jiinā ki marnā Thiik mohabbat meñ hai magar

kirdār bechnā paḌe aisā na haal kar

haT KHamushi se bhi to koi arz-e-haal kar

kar ke salam un se zara bol-chaal kar

sunte the neki ki ho to dariya mein Daliye

par log KHush hain bojh gunahon ka Dal kar

dil mein hai subh-o-sham bhale tu hi to mere

par baat hogi jo kabhi tu bhi KHayal kar

kya jaanta tha bujh nahin paegi ye kabhi

KHush tha jo pyas apni samundar mein Dal kar

nikle hain yaad karne mein bas jis ko raat-din

jaega kaise phans wo dil ki nikal kar

jo chup raha to goya na ho mauqa' dusra

wo samne hai bol koi to sawal kar

jina ki marna Thik mohabbat mein hai magar

kirdar bechna paDe aisa na haal kar