haTa ke mez se ek roz aaina maine

haTā ke mez se ik roz ā.īna maiñ ne

phir apne-āp se rakkhā na vāsta maiñ ne

jab apne-āp se pahchān apnī kho ke milī

to ḳhud hī kaaT diyā apnā rāsta maiñ ne

maiñ kam-sinī meñ bhī guḌiyā kabhī nahīñ khelī

paloñ meñ tai kiyā barsoñ kā fāsla maiñ ne

charāġh huuñ mujhe jab dhuup raas aa na sakī

to ḳhud sikoḌ liyā apnā dā.era maiñ ne

maiñ apne aap meñ huuñ yā nahīñ, kabhī apnā

kisī ko Thiik batāyā nahīñ pata maiñ ne

ajiib kyā jo bikherā nahīñ sameT ke phir

tamām umr umīdoñ kā silsila maiñ ne

haTa ke mez se ek roz aaina main ne

phir apne-ap se rakkha na wasta main ne

jab apne-ap se pahchan apni kho ke mili

to KHud hi kaT diya apna rasta main ne

main kam-sini mein bhi guDiya kabhi nahin kheli

palon mein tai kiya barson ka fasla main ne

charagh hun mujhe jab dhup ras aa na saki

to KHud sikoD liya apna daera main ne

main apne aap mein hun ya nahin, kabhi apna

kisi ko Thik bataya nahin pata main ne

ajib kya jo bikhera nahin sameT ke phir

tamam umr umidon ka silsila main ne