hausla de de ke uncha mera sar usne kiya

hausla de de ke ūñchā merā sar us ne kiyā

zulm ke aage mujhe sīna-sipar us ne kiyā

pyaar se sab dushmanoñ ke dil meñ ghar us ne kiyā

dostī kā ma.arka is tarah sar us ne kiyā

jin ko piine kā salīqa thā na jiine kā shu.ūr

band un logoñ pe maiḳhāne kā dar us ne kiyā

pahle to dīvār uThā.ī shahr ke chāroñ taraf

phir usī dīvār meñ ik roz dar us ne kiyā

pahle apnā ġham thā par us kā thā ab duniyā kā hai

dhīre dhīre ek paude ko shajar us ne kiyā

kaun sī shai thī jo is dhartī ke dāman meñ na thī

phir na jaane kyuuñ ḳhalāoñ kā safar us ne kiyā

jo 'ḳhalish' vāqif na the sher-o-suḳhan ke naam se

aam un logoñ pe 'ġhālib' kā hunar us ne kiyā

hausla de de ke uncha mera sar us ne kiya

zulm ke aage mujhe sina-sipar us ne kiya

pyar se sab dushmanon ke dil mein ghar us ne kiya

dosti ka marka is tarah sar us ne kiya

jin ko pine ka saliqa tha na jine ka shuur

band un logon pe maiKHane ka dar us ne kiya

pahle to diwar uThai shahr ke chaaron taraf

phir usi diwar mein ek roz dar us ne kiya

pahle apna gham tha par us ka tha ab duniya ka hai

dhire dhire ek paude ko shajar us ne kiya

kaun si shai thi jo is dharti ke daman mein na thi

phir na jaane kyun KHalaon ka safar us ne kiya

jo 'KHalish' waqif na the sher-o-suKHan ke nam se

aam un logon pe 'ghaalib' ka hunar us ne kiya