hausle jine ke dil ko bebasi deti rahi

hausle jiine ke dil ko bebasī detī rahī

aarzū pazhmurdagī ko tāzgī detī rahī

maiñ ne apne aage un ko sar uThāne na diyā

hādsoñ ko maat merī sar-kashī detī rahī

rah gayā maiñ nāz-bardārī meñ us kī umr bhar

zindagī mujh ko fareb-e-zindagī detī rahī

ḳhūn-e-dil detā rahā maiñ sham-e-hastī ko sadā

aur ye auroñ ko apnī raushnī detī rahī

ik taraf detī rahī mujh ko ajal apnā payām

ik taraf āvāz mujh ko zindagī detī rahī

gir paḌe qadmoñ pe aa ke taaj shāhoñ ke 'zahīr'

ye vaqār aur shaan azmat sādgī detī rahī

hausle jine ke dil ko bebasi deti rahi

aarzu pazhmurdagi ko tazgi deti rahi

main ne apne aage un ko sar uThane na diya

hadson ko mat meri sar-kashi deti rahi

rah gaya main naz-bardari mein us ki umr bhar

zindagi mujh ko fareb-e-zindagi deti rahi

KHun-e-dil deta raha main sham-e-hasti ko sada

aur ye auron ko apni raushni deti rahi

ek taraf deti rahi mujh ko ajal apna payam

ek taraf aawaz mujh ko zindagi deti rahi

gir paDe qadmon pe aa ke taj shahon ke 'zahir'

ye waqar aur shan azmat sadgi deti rahi