hawa-e-garmi-e-sud-o-ziyan se ruTh gae

havā-e-garmī-e-sūd-o-ziyāñ se ruuTh ga.e

zarā sī baat pe saare jahāñ ruuTh ga.e

vo ishq-e-gul thā ki gulchīñ ke ham 'adū Thahre

ye rashk-e-gul hai ki ham bāġhbāñ se ruuTh ga.e

jo be-dimāġh tirī rahguzar meñ aa baiThe

makāñ to chiiz hai kyā lā-makāñ se ruuTh ga.e

jo tez-gām thā us ko sikhā.ī rasm-e-sulūk

jo sust-e-gām thā is kārvāñ se ruuTh ga.e

haram se guzre to shaiḳh-e-haram se laḌ baiThe

muġhāñ meñ pahuñche to pīr-e-muġhāñ se ruuTh ga.e

vo sāda-dil haiñ ki ġhairoñ ko rāzdāñ jaanā

vo bad-gumān haiñ har rāz-dāñ se ruuTh ga.e

ye dekh kar ki ġham-e-do-jahāñ hai rasm-e-jahāñ

jo ahl-e-ġham the ġham-e-do-jahāñ se ruuTh ga.e

kahāñ haiñ ahl-e-bahār aur kahāñ hai dāvat-e-gul

ki be-nasīb gul-o-gulsitāñ se ruuTh ga.e

kahāñ hai pīr-e-muġhāñ aur kahāñ hai muzda-e-hosh

ki tishna-lab rah-o-rasm-e-muġhāñ se ruuTh ga.e

ye ehtiyāt ne saaqī kī dil kā haal kiyā

ki riñd garmī-e-bazm-e-jahāñ se ruuTh ga.e

hawa-e-garmi-e-sud-o-ziyan se ruTh gae

zara si baat pe sare jahan ruTh gae

wo ishq-e-gul tha ki gulchin ke hum 'adu Thahre

ye rashk-e-gul hai ki hum baghban se ruTh gae

jo be-dimagh teri rahguzar mein aa baiThe

makan to chiz hai kya la-makan se ruTh gae

jo tez-gam tha us ko sikhai rasm-e-suluk

jo sust-e-gam tha is karwan se ruTh gae

haram se guzre to shaiKH-e-haram se laD baiThe

mughan mein pahunche to pir-e-mughan se ruTh gae

wo sada-dil hain ki ghairon ko raazdan jaana

wo bad-guman hain har raaz-dan se ruTh gae

ye dekh kar ki gham-e-do-jahan hai rasm-e-jahan

jo ahl-e-gham the gham-e-do-jahan se ruTh gae

kahan hain ahl-e-bahaar aur kahan hai dawat-e-gul

ki be-nasib gul-o-gulsitan se ruTh gae

kahan hai pir-e-mughan aur kahan hai muzda-e-hosh

ki tishna-lab rah-o-rasm-e-mughan se ruTh gae

ye ehtiyat ne saqi ki dil ka haal kiya

ki rind garmi-e-bazm-e-jahan se ruTh gae