hawa-e-tund ke aage dhuan Thaharta nahin

havā-e-tund ke aage dhuāñ Thahartā nahīñ

hamāre sar pe kabhī āsmāñ Thahartā nahīñ

hisāb-e-dard karūñ bhī to is se kyā hāsil

nigāh-e-shauq meñ harf-e-ziyāñ Thahartā nahīñ

na rāste kā unheñ ilm hai na manzil kā

hazār gard uḌe kārvāñ Thahartā nahīñ

jahāñ pe sikka-e-zar kī khanak sunā.ī na de

faqīh-e-shahr ghaḌī bhar vahāñ Thahartā nahīñ

qarīb o duur ye afvāh kaisī phail ga.ī

kisī ke ghar meñ koī mehmāñ Thahartā nahīñ

havā-e-sajda ne har āstāñ ko dekh liyā

jabīn-e-shauq pe koī nishāñ Thahartā nahīñ

ham apne aap kī pahchān kyā kareñ 'nāmī'

yaqīñ panaptā nahīñ hai gumāñ Thahartā nahīñ

hawa-e-tund ke aage dhuan Thaharta nahin

hamare sar pe kabhi aasman Thaharta nahin

hisab-e-dard karun bhi to is se kya hasil

nigah-e-shauq mein harf-e-ziyan Thaharta nahin

na raste ka unhen ilm hai na manzil ka

hazar gard uDe karwan Thaharta nahin

jahan pe sikka-e-zar ki khanak sunai na de

faqih-e-shahr ghaDi bhar wahan Thaharta nahin

qarib o dur ye afwah kaisi phail gai

kisi ke ghar mein koi mehman Thaharta nahin

hawa-e-sajda ne har aastan ko dekh liya

jabin-e-shauq pe koi nishan Thaharta nahin

hum apne aap ki pahchan kya karen 'nami'

yaqin panapta nahin hai guman Thaharta nahin