hawa hui jo zara tez-tar zamane ki

havā huī jo zarā tez-tar zamāne kī

muhim chalī hai charāġhoñ ko phir bujhāne kī

bahār aa ke chaman se udaas lauT ga.ī

badal sakī na fazā apne āshiyāne kī

shab-e-firāq kī āñkhoñ meñ dekh kar aañsū

sahar ne khaa.ī hai jaise qasam na aane kī

mirī ḳhabar na rakhī silsila rakhā mujh se

'ajīb rasm hai rishtoñ ko āzmāne kī

khaḌā huuñ raah meñ ik sang-e-mīl kī sūrat

sazā milī hai mujhe rāsta dikhāne kī

nigāh-e-arsh ko dhartī bhī chāñd lagtī hai

to kyā ġharaz hai sitāroñ ko muñh lagāne kī

ḳhirad kī naav hai 'bebāk' bahr-e-dil meñ ravāñ

ḳhayāl-e-yār ne Thānī hai Duub jaane kī

hawa hui jo zara tez-tar zamane ki

muhim chali hai charaghon ko phir bujhane ki

bahaar aa ke chaman se udas lauT gai

badal saki na faza apne aashiyane ki

shab-e-firaq ki aankhon mein dekh kar aansu

sahar ne khai hai jaise qasam na aane ki

meri KHabar na rakhi silsila rakha mujh se

'ajib rasm hai rishton ko aazmane ki

khaDa hun rah mein ek sang-e-mil ki surat

saza mili hai mujhe rasta dikhane ki

nigah-e-arsh ko dharti bhi chand lagti hai

to kya gharaz hai sitaron ko munh lagane ki

KHirad ki naw hai 'bebak' bahr-e-dil mein rawan

KHayal-e-yar ne Thani hai Dub jaane ki