hawa ka jal bhala TuT kar bikharta kya

havā kā jaal bhalā TuuT kar bikhartā kyā

mirī sadā kā parinda uḌaan bhartā kyā

na dast-o-pā hī salāmat rahe na sar baaqī

ab is se baḌh ke koī sāneha guzartā kyā

ki us ne tār-e-taḳhātub ko nā-gahāñ chheḌā

ulajh ke rah ga.ī āvāz sur ubhartā kyā

bikharte TūTte rishtoñ kā saḳht-jāñ manzar

bichhaḌte vaqt maiñ āñkhoñ meñ qaid kartā kyā

laraz rahī thī añdhere kī sīḌhiyāñ saarī

dayār-e-shab meñ ujālā koī utartā kyā

kanār-e-āb khaḌā sochtā rahā 'shahzād'

jo naqsh Duub chukā thā vo phir ubhartā kyā

hawa ka jal bhala TuT kar bikharta kya

meri sada ka parinda uDan bharta kya

na dast-o-pa hi salamat rahe na sar baqi

ab is se baDh ke koi saneha guzarta kya

ki us ne tar-e-taKHatub ko na-gahan chheDa

ulajh ke rah gai aawaz sur ubharta kya

bikharte TuTte rishton ka saKHt-jaan manzar

bichhaDte waqt main aankhon mein qaid karta kya

laraz rahi thi andhere ki siDhiyan sari

dayar-e-shab mein ujala koi utarta kya

kanar-e-ab khaDa sochta raha 'shahzad'

jo naqsh Dub chuka tha wo phir ubharta kya