hawa ka taKHt bichhata hun raqs karta hun
havā kā taḳht bichhātā huuñ raqs kartā huuñ
badan charāġh banātā huuñ raqs kartā huuñ
maiñ baiTh jaatā huuñ takiya lagā ke bātin meñ
ḳhud apnī bazm sajātā huuñ raqs kartā huuñ
zamīn hāñpne lagtī hai ik jagah ruk kar
maiñ us kā haath baTātā huuñ raqs kartā huuñ
mirā surūr mujhe khīñchtā hai apnī taraf
maiñ apne-āp meñ aatā huuñ raqs kartā huuñ
maiñ jāntā huuñ mujhe kaise shānt honā hai
kaho to ho ke dikhātā huuñ raqs kartā huuñ
mirī misāl dhuāñ hai bujhe charāġhoñ kā
jab apnā sog manātā huuñ raqs kartā huuñ
ajiib lahr sī 'anjum' mire ḳhamīr meñ hai
jise vajūd meñ laatā huuñ raqs kartā huuñ
hawa ka taKHt bichhata hun raqs karta hun
badan charagh banata hun raqs karta hun
main baiTh jata hun takiya laga ke baatin mein
KHud apni bazm sajata hun raqs karta hun
zamin hanpne lagti hai ek jagah ruk kar
main us ka hath baTata hun raqs karta hun
mera surur mujhe khinchta hai apni taraf
main apne-ap mein aata hun raqs karta hun
main jaanta hun mujhe kaise shant hona hai
kaho to ho ke dikhata hun raqs karta hun
meri misal dhuan hai bujhe charaghon ka
jab apna sog manata hun raqs karta hun
ajib lahr si 'anjum' mere KHamir mein hai
jise wajud mein lata hun raqs karta hun
- Book : Ghazal Calendar-2015 (Pg. 06.03.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
