hawa ke dosh pe dhundli si ek lakir hun main

havā ke dosh pe dhundlī sī ik lakīr huuñ maiñ

hisār-e-vaqt se uḌtā huā asiir huuñ maiñ

mire kiye tire likkhe ke silsile ya.anī

janam janam kī masāfat kā rāhgīr huuñ maiñ

sazā jazā ke hayūle mire ḳhamīr meñ haiñ

kiye karā.e kā ehsās-e-nā-guzīr huuñ maiñ

ta.alluqāt kī iqlīm kyā milegī mujhe

tavaqquāt kā bhaTkā huā safīr huuñ maiñ

ThiThur ke duur ThiThak jaa.e har kiran kā tapāk

ḳhunuk havāoñ ke narġhe meñ zamharīr huuñ maiñ

maiñ zamzama huuñ sadāoñ kā kore kāġhaz par

qalam ke zaḳhma-e-ma.asūm kī sarīr huuñ maiñ

sadā ko Dhāle hai duniyā nazar ke sāñche meñ

kahīñ nafīr yaqīnan kahīñ safīr huuñ maiñ

mire vajūd se phūTī ikā.iyāñ haiñ gavāh

ramaq meñ ushr kī simTā huā ashīr huuñ maiñ

nazar tarāsh le darpan to nang-e-nām-o-numūd

nazar panāh meñ le le to dil-pazīr huuñ maiñ

harīf-e-zo.am-e-tasādum tamām sang-e-vajūd

shahīd-e-lams-e-hinā.ī rag-e-harīr huuñ maiñ

nazar to uljhegī 'rāhī' mirī manāzir se

vahī ḳhamīr huuñ āḳhir vahī zamīr huuñ maiñ

hawa ke dosh pe dhundli si ek lakir hun main

hisar-e-waqt se uDta hua asir hun main

mere kiye tere likkhe ke silsile yani

janam janam ki masafat ka rahgir hun main

saza jaza ke hayule mere KHamir mein hain

kiye karae ka ehsas-e-na-guzir hun main

talluqat ki iqlim kya milegi mujhe

tawaqquat ka bhaTka hua safir hun main

ThiThur ke dur ThiThak jae har kiran ka tapak

KHunuk hawaon ke narghe mein zamharir hun main

main zamzama hun sadaon ka kore kaghaz par

qalam ke zaKHma-e-masum ki sarir hun main

sada ko Dhaale hai duniya nazar ke sanche mein

kahin nafir yaqinan kahin safir hun main

mere wajud se phuTi ikaiyan hain gawah

ramaq mein ushr ki simTa hua ashir hun main

nazar tarash le darpan to nang-e-nam-o-numud

nazar panah mein le le to dil-pazir hun main

harif-e-zoam-e-tasadum tamam sang-e-wajud

shahid-e-lams-e-hinai rag-e-harir hun main

nazar to uljhegi 'rahi' meri manazir se

wahi KHamir hun aaKHir wahi zamir hun main