hawa ke dosh pe rakh kar uDa diye gae hum

havā ke dosh pe rakh kar uḌā diye ga.e ham

numūd-e-sub.h se pahle bujhā diye ga.e ham

hamārā rizq-e-muqarrar hameñ pahuñchnā thā

azān-e-fajr se pahle jagā diye ga.e ham

hameñ ye zo'm thā duniyā hameñ na bhūlegī

so yaad aane se pahle bhulā diye ga.e ham

liyā jo god meñ beTe ko ye huā mahsūs

hamāre hāthoñ meñ jaise thamā diye ga.e ham

vo jis zamīn pe chalte the ham takabbur se

usī ke nīche phir ik din sulā diye ga.e ham

vatan pe jaan gañvāne kā ye milā in.aam

kisī saḌak ke kināre sajā diye ga.e ham

ḳhilāf-e-zulm kiyā ehtijāj jab ham ne

to 'altamash' sar-e-neza chaḌhā diye ga.e ham

hawa ke dosh pe rakh kar uDa diye gae hum

numud-e-subh se pahle bujha diye gae hum

hamara rizq-e-muqarrar hamein pahunchna tha

azan-e-fajr se pahle jaga diye gae hum

hamein ye zo'm tha duniya hamein na bhulegi

so yaad aane se pahle bhula diye gae hum

liya jo god mein beTe ko ye hua mahsus

hamare hathon mein jaise thama diye gae hum

wo jis zamin pe chalte the hum takabbur se

usi ke niche phir ek din sula diye gae hum

watan pe jaan ganwane ka ye mila inam

kisi saDak ke kinare saja diye gae hum

KHilaf-e-zulm kiya ehtijaj jab hum ne

to 'altamash' sar-e-neza chaDha diye gae hum