hawa ke sath koi harf-e-chashm-e-tar jae

havā ke saath koī harf-e-chashm-e-tar jaa.e

maiñ ḳhud na jā.ūñ to us tak mirī ḳhabar jaa.e

mire ḳhulūs pe qadġhan lagā.iye sāhab

ye dil vafā kī aziyyat se hī na bhar jaa.e

tū sañg-sāz taḌḳhne se āshnā hī nahīñ

tirī balā se agar aa.ina bikhar jaa.e

to kyā maiñ pyaas kā maarā paḌā rahūñ yūñhī

to kyā ye abr mire saath haath kar jaa.e

to kyā ye ḳhvāb kināre na lag sakeñ 'irshād'

to kyā ye mauj-e-tamannā-e-dil utar jaa.e

hawa ke sath koi harf-e-chashm-e-tar jae

main KHud na jaun to us tak meri KHabar jae

mere KHulus pe qadghan lagaiye sahab

ye dil wafa ki aziyyat se hi na bhar jae

tu sang-saz taDKHne se aashna hi nahin

teri bala se agar aaina bikhar jae

to kya main pyas ka mara paDa rahun yunhi

to kya ye abr mere sath hath kar jae

to kya ye KHwab kinare na lag saken 'irshad'

to kya ye mauj-e-tamanna-e-dil utar jae