hawa ki zad pe diye ko sanbhaal rakkha hai

havā kī zad pe diye ko sañbhāl rakkhā hai

fasīl-e-shab pe ujālā bahāl rakkhā hai

azal se haiñ ḳhat-e-mehvar pe ye zamān-o-makāñ

zamīñ pe silsila-e-māh-o-sāl rakkhā hai

sifāt-o-zāt ko azdād par kiyā taqsīm

ḳhushī ke saath ġham-e-lā-zavāl rakkhā hai

ḳhushī atā kī diloñ ko ba-qadr-e-paimāna

faroġh-e-ġham meñ bhī ik e'tidāl rakkhā hai

rumūz khol diye mujh pe āsmānoñ ke

magar shu.ūr meñ dām-e-ḳhayāl rakkhā hai

usī ne ḳhaak se paidā kiyā hai insāñ ko

magar har ik kā judā ḳhadd-o-ḳhāl rakkhā hai

har ek naqsh ko us ne baḌī mahārat se

bahut aziim magar be-misāl rakkhā hai

kamāl ye hai ki taḳhlīq-e-kā.enāt huī

magar kamāl meñ pinhāñ savāl rakkhā hai

yahī hai shān-e-karīmī yahī hai husn-e-kamāl

har ek shai kā urūj-o-zavāl rakkhā hai

'sabā' hazār atā kī haiñ ne.amateñ us ne

magar jahāñ meñ asīr-e-malāl rakkhā hai

hawa ki zad pe diye ko sanbhaal rakkha hai

fasil-e-shab pe ujala bahaal rakkha hai

azal se hain KHat-e-mehwar pe ye zaman-o-makan

zamin pe silsila-e-mah-o-sal rakkha hai

sifat-o-zat ko azdad par kiya taqsim

KHushi ke sath gham-e-la-zawal rakkha hai

KHushi ata ki dilon ko ba-qadr-e-paimana

farogh-e-gham mein bhi ek e'tidal rakkha hai

rumuz khol diye mujh pe aasmanon ke

magar shuur mein dam-e-KHayal rakkha hai

usi ne KHak se paida kiya hai insan ko

magar har ek ka juda KHadd-o-KHal rakkha hai

har ek naqsh ko us ne baDi mahaarat se

bahut azim magar be-misal rakkha hai

kamal ye hai ki taKHliq-e-kaenat hui

magar kamal mein pinhan sawal rakkha hai

yahi hai shan-e-karimi yahi hai husn-e-kamal

har ek shai ka uruj-o-zawal rakkha hai

'saba' hazar ata ki hain neamaten us ne

magar jahan mein asir-e-malal rakkha hai