hawa mein jo ye ek namnaki hai

havā meñ jo ye ek namnākī hai

sadā tez raftār dariyā kī hai

qadam rok mat pīchhe muḌ ke na dekh

ye āvāz kam-baḳht duniyā kī hai

makāñ to mirā lā-makāñ ho gayā

shikāyat magar tañgi-e-jā kī hai

bhaḌaktā hai shola sā rañg-e-sukūt

qalandar ke lahje meñ be-bākī hai

paḌā rah badan ke darīche na khol

mirī uñgliyoñ meñ havasnākī hai

shajar se lipaT kar na ro.egī ye

havā jo chalī hai vo sahrā kī hai

mire shīsha-e-lā-zamāñ par abhī

bahut gard imroz o fardā kī hai

chamak aañkh meñ hairatoñ kī nahīñ

bas ik dhuup tāb-e-tamāshā kī hai

hawa mein jo ye ek namnaki hai

sada tez raftar dariya ki hai

qadam rok mat pichhe muD ke na dekh

ye aawaz kam-baKHt duniya ki hai

makan to mera la-makan ho gaya

shikayat magar tangi-e-ja ki hai

bhaDakta hai shola sa rang-e-sukut

qalandar ke lahje mein be-baki hai

paDa rah badan ke dariche na khol

meri ungliyon mein hawasnaki hai

shajar se lipaT kar na roegi ye

hawa jo chali hai wo sahra ki hai

mere shisha-e-la-zaman par abhi

bahut gard imroz o farda ki hai

chamak aankh mein hairaton ki nahin

bas ek dhup tab-e-tamasha ki hai