hawadisat ke chhakke chhuDae hain humne

havādisāt ke chhakke chhuḌā.e haiñ ham ne

charāġh zad pe havā kī jalā.e haiñ ham ne

buland hausle hone diye na bātil ke

sar-e-ġhurūr-o-takabbur jhukā.e haiñ ham ne

ajal se ham ne laḌāyā hai bārhā panja

havādisāt ke bhī naaz uThā.e haiñ ham ne

bhulā sakegī na tārīḳh vaqt kī jin ko

fareb aise bhī dānista khaa.e haiñ ham ne

baḌhī hai sehn-e-gulistāñ meñ jab bhī tārīkī

charāġh apne lahū se jalā.e haiñ ham ne

na de sakā jinheñ anjām koī duniyā meñ

vo kaam kar ke jahāñ meñ dikhā.e haiñ ham ne

sitam hamīñ pe hai ilzām-e-bevafā.ī bhī

hazār zaḳhm kaleje pe khaa.e haiñ ham ne

hameñ payām-e-tarab koī kyā sunā.egā

tamām 'umr 'razī' ġham uThā.e haiñ ham ne

hawadisat ke chhakke chhuDae hain hum ne

charagh zad pe hawa ki jalae hain hum ne

buland hausle hone diye na baatil ke

sar-e-ghurur-o-takabbur jhukae hain hum ne

ajal se hum ne laDaya hai barha panja

hawadisat ke bhi naz uThae hain hum ne

bhula sakegi na tariKH waqt ki jin ko

fareb aise bhi danista khae hain hum ne

baDhi hai sehn-e-gulistan mein jab bhi tariki

charagh apne lahu se jalae hain hum ne

na de saka jinhen anjam koi duniya mein

wo kaam kar ke jahan mein dikhae hain hum ne

sitam hamin pe hai ilzam-e-bewafai bhi

hazar zaKHm kaleje pe khae hain hum ne

hamein payam-e-tarab koi kya sunaega

tamam 'umr 'razi' gham uThae hain hum ne