hawaon ka jo shah-par bolta hai

havāoñ kā jo shah-par boltā hai

hamāre ghar kā chhappar boltā hai

vahī manzar-ba-manzar boltā hai

ġhazal chehra badan bhar boltā hai

falak sahrā samundar boltā hai

tilism-e-ḳhvāb shab-bhar boltā hai

ka.ī fāqoñ kā maz.har boltā hai

shikam-parvar jo patthar boltā hai

ḳhamoshī oḌh letā hai falak-bhar

kabhī vo shaḳhs aksar boltā hai

kabhī karte haiñ sajde chāñd-tāre

kabhī muTThī meñ kankar boltā hai

pighaltī jā rahī hai barf saarī

tabāhī kā samundar boltā hai

maiñ apne aap se kartā huuñ bāteñ

ki ḳhud mujh se mirā ghar boltā hai

pahan letā hai vo jo kuchh bhī 'saifī'

bahut us ke badan par boltā hai

hawaon ka jo shah-par bolta hai

hamare ghar ka chhappar bolta hai

wahi manzar-ba-manzar bolta hai

ghazal chehra badan bhar bolta hai

falak sahra samundar bolta hai

tilism-e-KHwab shab-bhar bolta hai

kai faqon ka mazhar bolta hai

shikam-parwar jo patthar bolta hai

KHamoshi oDh leta hai falak-bhar

kabhi wo shaKHs aksar bolta hai

kabhi karte hain sajde chand-tare

kabhi muTThi mein kankar bolta hai

pighalti ja rahi hai barf sari

tabahi ka samundar bolta hai

main apne aap se karta hun baaten

ki KHud mujh se mera ghar bolta hai

pahan leta hai wo jo kuchh bhi 'saifi'

bahut us ke badan par bolta hai