haya ke mare wo wasl ke pal nazar ka parda gira rahi hai

hayā ke maare vo vasl ke pal nazar kā pardā girā rahī hai

agarche gāloñ kī surḳh rangat har ek ḳhvāhish jatā rahī hai

zarā hadoñ se nikal ke aage maroḌ dī jab kalā.ī us kī

lagā ki jaise vo kasmasā kar qarīb apne bulā rahī hai

ye hasratoñ ke bhaḌakte sho'le lage ki duniyā machal uThī ho

ukhaḌtī sāñsoñ kī dhoñknī ab laveñ diyoñ kī bujhā rahī hai

ye mogre ke mahakte gajre mahak rahā hai kabhī pasīna

lagī mahakne hayāt saarī mahak mahak meñ samā rahī hai

kabhī vo mehmāñ rahī hai merī kabhī vo kartī hai mezbānī

kabhī vo hotī hai oḌhnī sī kabhī vo ḳhud ko bichhā rahī hai

ghaTā.eñ barsī kināre TuuTe chunī haiñ rāheñ nadī ne apnī

vo ik samundar se mil ke apnī tamām hastī miTā rahī hai

haya ke mare wo wasl ke pal nazar ka parda gira rahi hai

agarche galon ki surKH rangat har ek KHwahish jata rahi hai

zara hadon se nikal ke aage maroD di jab kalai us ki

laga ki jaise wo kasmasa kar qarib apne bula rahi hai

ye hasraton ke bhaDakte sho'le lage ki duniya machal uThi ho

ukhaDti sanson ki dhonkni ab lawen diyon ki bujha rahi hai

ye mogre ke mahakte gajre mahak raha hai kabhi pasina

lagi mahakne hayat sari mahak mahak mein sama rahi hai

kabhi wo mehman rahi hai meri kabhi wo karti hai mezbani

kabhi wo hoti hai oDhni si kabhi wo KHud ko bichha rahi hai

ghaTaen barsi kinare TuTe chuni hain rahen nadi ne apni

wo ek samundar se mil ke apni tamam hasti miTa rahi hai