hayat-e-dil ka hai dhoka mamat-e-shar ka fareb

hayāt-e-dil kā hai dhokā mamāt-e-shar kā fareb

ye shām-e-ġham kī hai uljhan vo hai sahar kā fareb

nishān-e-naqsh-e-kaf-e-pā ho yā sadā-e-darā

vo rāh-rau kā hai dhokā ye rāhbar kā fareb

ḳhulūs-e-sajda na ho aur āstāñ ke qarīb

jabīñ kā apnī vo dhokā ye sang-e-dar kā fareb

ye juz-ḳhudā jo nahīñ kuchh to ye makān-o-makīñ

mire yaqīñ kā hai dhokā mirī nazar kā fareb

uThā.eñ dast-e-du'ā aur du'ā qubūl na ho

vo mudda'ā kā hai dhokā ye hai asar kā fareb

pasand ḳhātir-e-tab'-e-hazīñ hasīñ ‘as’ad’

vo apne dil kā hai dhokā ye hai nazar kā fareb

hayat-e-dil ka hai dhoka mamat-e-shar ka fareb

ye sham-e-gham ki hai uljhan wo hai sahar ka fareb

nishan-e-naqsh-e-kaf-e-pa ho ya sada-e-dara

wo rah-rau ka hai dhoka ye rahbar ka fareb

KHulus-e-sajda na ho aur aastan ke qarib

jabin ka apni wo dhoka ye sang-e-dar ka fareb

ye juz-KHuda jo nahin kuchh to ye makan-o-makin

mere yaqin ka hai dhoka meri nazar ka fareb

uThaen dast-e-du'a aur du'a qubul na ho

wo mudda'a ka hai dhoka ye hai asar ka fareb

pasand KHatir-e-tab'-e-hazin hasin ‘as’ad’

wo apne dil ka hai dhoka ye hai nazar ka fareb