hayat-o-maut ka ek silsila hai

hayāt-o-maut kā ik silsilā hai

mohabbat intihā tak ibtidā hai

maiñ kyā jānūñ ki bāb-e-tauba kyā hai

abhī to mai-kade kā dar khulā hai

zarā phir dil pe nazreñ Daal diije

charāġh-e-ārzū ḳhāmosh sā hai

atā kar dī tumhārī aarzū ne

vo ik duniyā jo duniyā se judā hai

hasīñ hoñ laakh duniyā ke manāzir

vo kyā dekhe jo tum ko dekhtā hai

nazar ke saath nazzāra bhī gum hai

dil-e-muztar ye kis kā sāmnā hai

mire dil ko na rakh be-rañg saaqī

ki har sāġhar gulābī ho rahā hai

na dozaḳh hai na jannat hai to 'bāsit'

mire a.amāl-e-ġham kā kyā silā hai

hayat-o-maut ka ek silsila hai

mohabbat intiha tak ibtida hai

main kya jaanun ki bab-e-tauba kya hai

abhi to mai-kade ka dar khula hai

zara phir dil pe nazren Dal dije

charagh-e-arzu KHamosh sa hai

ata kar di tumhaari aarzu ne

wo ek duniya jo duniya se juda hai

hasin hon lakh duniya ke manazir

wo kya dekhe jo tum ko dekhta hai

nazar ke sath nazzara bhi gum hai

dil-e-muztar ye kis ka samna hai

mere dil ko na rakh be-rang saqi

ki har saghar gulabi ho raha hai

na dozaKH hai na jannat hai to 'basit'

mere aamal-e-gham ka kya sila hai