hazar rup farozan hain raushni ki tarah

hazār ruup farozāñ haiñ raushnī kī tarah

vo apne rang meñ tanhā hai chāñdnī kī tarah

yahī nahīñ ki zamāne se rasm-o-rāh na kī

ham apne ghar meñ bhī rahte haiñ ajnabī kī tarah

julūs vaale makānoñ ko phūñk bhī dete

yahī bahut hai ki guzre haiñ aadmī kī tarah

jidhar nigāh uThāo dikhā.ī detā hai

tirā vajūd manāzir meñ dilkashī kī tarah

vo tū nahīñ thā ki maiñ hī badal gayā ai dost

tire qarīb se guzrā huuñ ajnabī kī tarah

bhaTak rahā huuñ samundar kī justujū meñ 'ziyā'

mirā vajūd hai bahtī huī nadī kī tarah

hazar rup farozan hain raushni ki tarah

wo apne rang mein tanha hai chandni ki tarah

yahi nahin ki zamane se rasm-o-rah na ki

hum apne ghar mein bhi rahte hain ajnabi ki tarah

julus wale makanon ko phunk bhi dete

yahi bahut hai ki guzre hain aadmi ki tarah

jidhar nigah uThao dikhai deta hai

tera wajud manazir mein dilkashi ki tarah

wo tu nahin tha ki main hi badal gaya ai dost

tere qarib se guzra hun ajnabi ki tarah

bhaTak raha hun samundar ki justuju mein 'ziya'

mera wajud hai bahti hui nadi ki tarah