hazaron nala-kash gird-e-makan-e-yar rahte hain

hazāroñ nāla-kash gird-e-makān-e-yār rahte haiñ

ḳhudā rakkhe yahāñ bīmār hī bīmār rahte haiñ

na jaane kyā taras aaya jo pūchhā aaj darbāñ se

unheñ tum jānte ho jo pas-e-dīvār rahte haiñ

yahī vo sin hai jo muhtāj-e-ārā.ish nahīñ rahtā

hasīñ aksar javānī meñ gale kā haar rahte haiñ

unheñ āñkhoñ se ham bhī dekhne vaale haiñ gulshan meñ

tirī āñkhoñ meñ jo ai nargis-e-bīmār rahte haiñ

jo ādāb-e-mohabbat se abhī haiñ nā-balad 'safdar'

vahī bazm-e-hasīnāñ meñ zalīl-o-ḳhvār rahte haiñ

hazaron nala-kash gird-e-makan-e-yar rahte hain

KHuda rakkhe yahan bimar hi bimar rahte hain

na jaane kya taras aaya jo puchha aaj darban se

unhen tum jaante ho jo pas-e-diwar rahte hain

yahi wo sin hai jo muhtaj-e-araish nahin rahta

hasin aksar jawani mein gale ka haar rahte hain

unhen aankhon se hum bhi dekhne wale hain gulshan mein

teri aankhon mein jo ai nargis-e-bimar rahte hain

jo aadab-e-mohabbat se abhi hain na-balad 'safdar'

wahi bazm-e-hasinan mein zalil-o-KHwar rahte hain