hiddat-e-shauq se jalte hain shararon ke hujum

hiddat-e-shauq se jalte haiñ sharāroñ ke hujūm

āsmāñ se utar aa.e haiñ sitāroñ ke hujūm

ġharq ho jaa.eñ samundar meñ kahīñ sochā thā

haa.e qismat hameñ milte haiñ kināroñ ke hujūm

jaan ko apnī chhuḌā laa.eñ haiñ vīrānoñ meñ

shahr meñ jaan ko aate haiñ sahāroñ ke hujūm

kitne pur-kaif haiñ rañgīn ḳhizāñ ke mausam

jī jalāte haiñ bahārāñ meñ bahāroñ ke hujūm

ek manzar ki rahī yaad hamesha ham ko

garche vābasta rahe ham se nazāroñ ke hujūm

dil kī vābastagī ik shaḳhs se mashrūt rahī

yuuñ to milte hī rahe ziist meñ yāroñ ke hujūm

aaj is shahr-e-ḳhamoshāñ meñ chale aa.e haiñ

zindagī tū ne basā.e haiñ ye pyāroñ ke hujūm

yūñhī chup-chāp palaT aa.e haiñ ḳhāmoshī se

ham se dekhe na ga.e dard ke māroñ ke hujūm

dasht meñ yuuñ milā karte haiñ mohabbat se hameñ

paañv dharte haiñ to milte haiñ ye ḳhāroñ ke hujūm

hiddat-e-shauq se jalte hain shararon ke hujum

aasman se utar aae hain sitaron ke hujum

gharq ho jaen samundar mein kahin socha tha

hae qismat hamein milte hain kinaron ke hujum

jaan ko apni chhuDa laen hain viranon mein

shahr mein jaan ko aate hain sahaaron ke hujum

kitne pur-kaif hain rangin KHizan ke mausam

ji jalate hain bahaaran mein bahaaron ke hujum

ek manzar ki rahi yaad hamesha hum ko

garche wabasta rahe hum se nazaron ke hujum

dil ki wabastagi ek shaKHs se mashrut rahi

yun to milte hi rahe zist mein yaron ke hujum

aaj is shahr-e-KHamoshan mein chale aae hain

zindagi tu ne basae hain ye pyaron ke hujum

yunhi chup-chap palaT aae hain KHamoshi se

hum se dekhe na gae dard ke maron ke hujum

dasht mein yun mila karte hain mohabbat se hamein

panw dharte hain to milte hain ye KHaron ke hujum