hijr aur waslaton mein uljha hai

hijr aur vaslatoñ meñ uljhā hai

dil ye kin uljhanoñ meñ uljhā hai

dard hamdard DhūñDhtā hai magar

har koī mas.aloñ meñ uljhā hai

kuchh dinoñ se nazar nahīñ aayā

chāñd kin bādaloñ meñ uljhā hai

ek dil hai mirā magar ye bhī

aap kī hasratoñ meñ uljhā hai

us ko fursat nahīñ ki vo mere

qatl kī sāzishoñ meñ uljhā hai

ġham ḳhushī kuchh nahīñ samajhte haiñ

tū bhī kyā be-hisoñ meñ uljhā hai

dekh kar kuchh samajh nahīñ aatā

kaun kin koshishoñ meñ uljhā hai

har ḳhushī ġham hai aaj shahroñ meñ

aur dukh bastiyoñ meñ uljhā hai

uf ye 'āzād' bhī hai dīvāna

apne hī qātiloñ meñ uljhā hai

hijr aur waslaton mein uljha hai

dil ye kin uljhanon mein uljha hai

dard hamdard DhunDhta hai magar

har koi masalon mein uljha hai

kuchh dinon se nazar nahin aaya

chand kin baadalon mein uljha hai

ek dil hai mera magar ye bhi

aap ki hasraton mein uljha hai

us ko fursat nahin ki wo mere

qatl ki sazishon mein uljha hai

gham KHushi kuchh nahin samajhte hain

tu bhi kya be-hison mein uljha hai

dekh kar kuchh samajh nahin aata

kaun kin koshishon mein uljha hai

har KHushi gham hai aaj shahron mein

aur dukh bastiyon mein uljha hai

uf ye 'azad' bhi hai diwana

apne hi qatilon mein uljha hai